[香港美食] 香港10大必買零食推介

唔知大家食日本、韓國嘅零食得多啲定香港嘅零食多啲呢?今日介紹嘅10大香港零食有幾多款您又食過?有部份零食依家都幾難去買到!有機會見到就買黎試下啦!

 

1.阿華田營養麥芽雪糕

阿華田營養麥芽雪糕

夏日炎炎當然要整番支甜筒!用地道港式飲品-阿華田朱古力制成雪糕,配上香脆松化的甜筒和布滿頂層的花生朱古力,分量十足,又有營養!阿華田甜筒又無一般朱古力雪糕那樣甜,大人細路都讚好食!

2.BB糖

BB糖

BB糖圓形厚厚地中間有個窿咁,係粉糖之類,食落口感就粉一點,但超級好玩!只要將BB糖放入口裡面,將糖嘅小孔面向外面大力一吹或者吸,就BB咁響,一下子就變左吹口哨高手!

 

3.爆炸糖

爆炸糖

細細個就俾爆炸糖嘅獨特口感吸引!食嘅時候要堆好細粒嘅糖,一下掉入口裡面,口入面啲糖就會霹靂啪啦咁彈到你個口超痛,啲糖就好似係口入面爆炸緊!

 

4.沙爹魚串

沙爹魚串

每逢去到士多都一定會見到有個透明有字嘅膠袋載住佢地,依家要搵番沙爹魚串真係幾難架!充滿泰國風味的沙爹魚串,食落香口,食完一串就忍不住食哂佢!

 

5.牛仔片

牛仔片2

 

牛仔片係學校小賣部必有零食,由細食到大也不生厭!一格格嘅牛仔片,設計獨特,應該無薯片係這個樣子!?經典的牛肉味,入口鬆脆,容易入口!

 

6.媽咪麵

媽咪麵

香港經典零食之一又怎可以無媽咪麵份,食落香脆可口!學生時無太多錢食午餐點算,平平地整個媽咪麵就搞掂!媽咪麵的精髓所在就係佢個包雞味粉!!

 

7.魚仔餅

魚仔餅

可愛小魚形作為賣相嘅魚仔餅,有咖喱,燒烤同最受歡迎嘅紫菜味。同動物餅乾,熊仔餅一樣,您有無試過會揀定不同公仔黎食呢?

8.眼鏡朱古力

眼鏡朱古力

等我變身先!眼鏡朱古力又食得又玩得,仲要係七彩顏色非常醒目!不少小朋友都將眼鏡朱古力放在面相扮超人!但眼鏡朱古力現在得很小地方有得賣了。

 

9.可樂樽仔糖

樽仔糖

可樂樽仔糖,細細個可樂罐嘅造型就已經非常吸引,除左可樂口味之外,仲有提子、波子汽水同橙味!

 

10. 奇多

奇多2 奇多

奇多受歡迎嘅原因應該同出奇蛋一樣好吃、新奇、又好玩,因為佢當中所附送嘅奇多圈,好靚又好好玩。除咗可以用嚟同朋友激戰之外,奇多圈亦都可以好似閃卡咁用嚟同人交換,完全係增進友誼嘅一種玩意!

Post Author: 快DD